Hamza: Rritja e pensioneve për kategoritë e dala nga lufta për 50% është më e pakta që mund të bëjmë

Kandidati për kryeministër i PDK-së, Bedri Hamza, ka thënë se rritja e pensioneve për kategoritë e dala nga lufta për 50% është më e pakta që mund të bëjë për ta.

Hamza e ka shpërndarë për ndjekësit e tij në “Facebook” një pjesë nga intervista e tij për “Click” në RTV21, ku ka thënë se kjo kategori dha gjithçka për vendin.

“Për më tepër, do të ndaloj mohimin e të drejtës së veteranëve për t’u punësuar në sektorin privat dhe do të garantoj që familjet e dëshmorëve të ruajnë të drejtën për pensionin e moshës”.

“Ma mirë për Kosovën, ma mirë për krejt qytetarët!”, ka thënë Hamza.