Gazment Bardhi i bashkohet zyrtarisht Berishës, bëhet nënkryetar i “Rithemelimit”, ndryshon edhe Kryesia

Pas aksionit të përbashkët në Parlament dhe bashkimit në terren e protesta, grupi i Gazment Bardhit do t’i bashkohet edhe në mënyrë institucionale Rithemelimit të Partisë Demokratike.

Burime bëjnë me dije se në mbledhjen e Këshillit Kombëtar ditën e martë do të diskutohen dhe miratohen ndryshimet e stautit që do i hapin rrugën Gazment Bardhit dhe anëtarëve të tjerë të grupit të tij për të marrë poste partiake.

Konkretisht me ndryshimet që pritet të bëhen të martën, Gazment Bardhi do të marrë postin e nënkryetarit të partisë për shkak të pozicionit që mban në Kuvend si kryetar i grupit parlamentar. Po ashtu nënkryetar pritet të bëhet edhe Agron Gjekmarkaj, për shkak të pozicionit të nënkryetarit të Kuvendit.

Ndryshime pritet të pësojë edhe kryesia e partisë pas afrimeve të reja. Në këtë pikë burime bëjnë me dije se ky organ partiak do të zgjerohet me 8 anëtarë të rinj. Ata deputetë pjesë të grupimit të Bardhit që kanë poste drejtuese në Parlament, kryetar apo nënkryetarë të partisë do të futen automatikisht në kryesi.

Mes Bardhit, Gjekmarkajt, Zheni Gjergjit, Dhurata Çupit, Helidon Bushatit, Ervin Salianjit dhe Ferdinand Xhaferrajt që janë kryetarë ose nënkryetarë komisionesh, emri që pritet me kuriozitetin më të madh është ai i Jorida Tabakut.

Kjo e fundit drejton komisionin e Integrimit dhe njeh Gazment Bardhin si kryetar grupi parlamentar e po ashtu ka marrë pjesë në protesta, por që nuk i është bashkuar asnjë herë fizikisht mbledhjeve të përbashkëta të deputetëve.

Burime thonë se pas këtij riformatimi në kupolën drejtuese të Partisë Demokratike të Rithemelimit, do të vijohet procesi i rifreskimit të strukturave në degë, ku 20 prej të cilave do t’i nënshtrohen zgjedhjeve për kryetarin e ri.

Këto procese pritet të përmbyllen muajt e parë të pranverës që më pas të nisë puna për përgatitjen e zgjedhjeve të 2025-ës.

Lajmet Gazment Bardhi i bashkohet zyrtarisht Berishës, bëhet nënkryetar i “Rithemelimit”, ndryshon edhe Kryesia >> Rahoveci INFO.

Ballina
RadioDrini
Video
Këmbimi
Moti
error: Ku po shkon !!

Adblock Detected

<script async src="https://pagead2.googlesyndication.com/pagead/js/adsbygoogle.js?client=ca-pub-4893917327478903" crossorigin="anonymous"></script>