Fundjava me mot të ndryshueshëm – herë nxehtë, herë ftohtë

Në Kosovë, gjatë fundjavës do të mbajë mot i ndryshueshëm.

Të shtunën, sipas Institutit Hidrometeorologjik të Kosovës, parashihet ditë e nxehtë me temperatura deri në 29 gradë Celsius.

“Të shtunën do të mbajë mot me diell dhe pjesërisht i vranët. Temperaturat minimale do të lëvizin ndërmjet 7-10 gradë Celsius, ndërsa maksimalet e ditës parashihen të lëvizin ndërmjet 24-29 gradë Celsius. Do të fryjë erë, kryesisht nga drejtimi i juglindjes me shpejtësi 1-4m/s”, thuhet në njoftimin e IHMK-së.

Por të dielën, temperaturat bien drastikisht, deri në 15 gradë Celsius.

“Të dielën parashihet të mbajë mot kryesisht i vranët dhe me riga shiu të cilat do të përfshijnë gjithë territorin. Në fushat termike do të ketë ulje të ndjeshme, kryesisht atyre maksimaleve .Temperaturat minimale do të lëvizin ndërmjet 8-11 gradë Celsius, ndërsa maksimalet e ditës parashihen të lëvizin ndërmjet 12-15 gradë Celsius. Do të fryjë erë nga drejtimi veriperëndimit me shpejtësi 1-6m/s”, thuhet në njoftim./21Media