FHK shpërblen më të mirët e vitit, Gjuka dhe Camara rrëmbejnë çmimet kryesore

Hendbollisti i Rahovecit, Egzon Gjuka dhe hendbollistja e Ferizajt, Salemateu Kamara, i fituan çmimet kryesore në ceremoninë e “Laureatëve të Vitit 2024”, e organizuar të enjten mbrëma nga Federata e Hendbollit të Kosovës.

Trajneri i vitit te meshkujt u shpall Verim Zherka i Rahovecit, te femrat këtë çmim e rrëmbeu Faruk Shala i Istogut, ndërsa këto dy klube u shpallën më të mirat. Presidenti i Federatës, Eugen Saraçini, e konsideroi vitin 2024 si shumë të suksesshëm për shtëpinë e hendbollit kosovar.

Federata e Hendbollit të Kosovës ndau edhe shumë çmime e mirënjohje tjera për figurat që kontribuuan në hendbollin kosovar gjatë vitit që po e lëmë pas./21Media