Erza Muminoviq mposhtet me ‘Ippon’ nga xhudistja holandeze
Xhudistja kosovare, Erza Muminoviq ka pësuar humbje ndaj kundërshtares së saj nga Holanda, Naomi Van Krevel në kategorinë deri në 52 kilogramë.
Van Krevel e siguroi fitoren në ‘Golden Score’ duke e mposhtur xhudisten nga Kosova me Ippon.
Kosova në këtë garë përfaqësohet nga pesë xhudistë, teksa pak kohë më parë fitoren e siguroi Nora Gjakova në kategorinë 63 kilogramë, duke mposhtur francezen Rania Drid.
