Ekipi 11 herë më i lirë eliminoi në mënyrë sensacionale Al Nassr e Ronaldos
Skuadra Al Nassr pësoi humbje ndaj Kawasaki Frontale të Japonisë, në gjysmëfinale të Ligës së Kampionëve të Azisë me rezultat 3:2, duke i dhënë fund paraqitjes në këtë edicion të garave.
Ndeshja u luajt në stadiumin “King Abdullah Sports City” në Xheda dhe skuadra japoneze kaloi në epërsi në minutën e 10-të me golin e Tatsuya Ito, ndërsa Sadio Mané barazoi në minutën e 28-të.
Kawasaki kaloi sërish në epërsi në minutën e 41-të me golin e Yuto Ozekit dhe epërsinë e shtoi Akihiro Ienaga në minutën e 76-të.
Ayman Yahya e mbylli tentativën e rikthimit të sauditëve me një gol në minutën e 87-të, por nuk mjaftoi për t’i dërguar në kohën shtesë.
Portugezi Cristiano Ronaldo luajti plot 90 minuta për Al Nassr dhe u aktivizua në minutat e fundit, por nuk arriti të shënonte. Kroati Marcelo Brozoviq ishte në formacionin titullar dhe luajti deri në minutën e 78-të.
Pavarësisht dominimit Al Nassr nuk arriti të përfitonte nga mundësitë e shumta. Japonezët ishin më efikas, gjë që përfundimisht ua siguroi atyre finalen kundër Saudi Al Ahli, i cili mposhti Al Hilal 3:1 në gjysmëfinalen e dytë.
Kawasaki i cili drejtohet nga trajneri Shigetoshi Hasebe, kap vlerën totale 15 milionë euro, ndërsa skuadra Al Nassr – 175 milionë.
