E mbështollën me letër alumini dhe e groposën, zbulohen vrasësit e vërtetë të 27-vjeçarit shqiptar në Gjermani

Detaje të reja janë zbuluar disa muaj pas vrasjes në mënyrë makabre të të riut shqiptar, Reols Hysneli, në Gjermani.

Sipas mediave turke, thuhet se për vrasjen e tij dyshohet se autorë janë dy shtetas nga Turiqa, të shpallur tashmë në kërkim.

Autorësinë për vrasjen fillimisht e kishte marrë përsipër një 17-vjeçar shqiptar, por dëshmia e tij nuk i ka bindur hetuesit, të cilët kanë vijuar punën për zbardhjen e plotë të ngjarjes.

Hysneli u vra me një plumb në kokë më 25 nëntor të 2023, e më pas u gjet i groposur në perferi të Hamburgit, i mbështjellë me letër alumini.

Ekzekutimi i tmerrshëm u zbulua nga një çift që po bënin një shëtitje në zonën pyjore ku ndodhen burimet termale në qytetin Kaltenkirchen, të cilët njoftuan policinë.

Si rezultat i verifikimit të gjurmëve të gishtërinjve, u zbulua se kufoma i përkiste Reols Hysnelit, shtetas shqiptar i burgosur për trafik droge në Lübeck në vitin 2023. Në vendngjarje u gjet një fletë shitjeje e letrës së aluminit me të cilën ishte mbështjellë Reols Hysneli. Ndërsa trupi i Hysnelit u dërgua në Morgun e Mjekësisë Ligjore, dy ditë pas ngjarjes, shtetasi shqiptar Qerim D., 17 vjeç, i cili nuk fliste gjermanisht, shkoi në Komisariatin e Policisë Pinneberg me avokatin e tij dhe rrëfeu se kishte vrarë një person.

Fakti që 17-vjeçari heshti për detajet e krimit dhe se avokati i tij ishte i njëjtë me avokatin e İlber, Edmond dhe Ernest Domit, drejtuesit e grupit “Vëllezërit Domi”, i cili menaxhon një pjesë e trafikut të drogës në Gjermani dhe që qarkullon shifra të majme parash, bëri që policia të thellojë hetimet.

Policia konstatoi se fatura e letrës së aluminit të sekuestruar në vendngjarje i përkiste një dyqani që shiste materiale ndërtimi në Uetersen dhe nga pamjet e kamerave të dyqanit mori informacion se Ferhat K. dhe Selami C. kishin blerë letër alumini.

Ky detaj që në dukje për ta ka qenë i parëndësishëm, ka çuar policinë dhe grupin hetues në zbardhjen e ngjarjes dhe dyshimit se autorë të vrasjes së 27-vjeçarit shqiptar nuk ishte 17-vjeçari, por dy shtetasit nga Turqia.

Lajmet E mbështollën me letër alumini dhe e groposën, zbulohen vrasësit e vërtetë të 27-vjeçarit shqiptar në Gjermani >> Rahoveci INFO.

Ballina
RadioDrini
Video
Këmbimi
Moti
error: Ku po shkon !!

Adblock Detected

<script async src="https://pagead2.googlesyndication.com/pagead/js/adsbygoogle.js?client=ca-pub-4893917327478903" crossorigin="anonymous"></script>