Djali i tregtarit që u bë make-up artist – Historia e jashtëzakonshme e Armend Ramadanit

Make-up artisti nga Maqedonia e Veriut, Armend Ramadani, foli për shumë tema ndër të tjera edhe për profesionin e tij gjatë një interviste për “Ftohtë e nxehtë” në Rahoveci INFO.

Ramadani, tregoi se si vendosi që të bëhej një Make-up artist, edhe pse dëshira e familjes ishte që ai të bëhej një tregtar.

“Unë i kisha 9-10 vjet siç më tregon mami, kishim një dasmë në familje, kam hip lart kam marrë një gozhde dhe e kam nxeh gozhdën, pastaj ia kam bërë motrës dredha flokët, dhe me këtë e kam kuptu që nga nxehtësia dredhet floku”, tha Ramadani.

Tutje ai tregoi se si shkollën e ka përfunduar në tregti por gjithsesi nuk ishte ai profesioni që ai donte.

“Mbarova shkollën e tregtisë me dëshirën e babit që të jem unë një biznesmen i njohur në Maqedoni, por e pa që dështoi gjithqka sepse çdo herë kur vinin shoqet e motrësm unë filloja e ju bëja grim”, tregoi ai./21Media