Dhuna ndaj 3 shqiptarëve, reagon ministri shqiptar i qeverisë malazeze, Dukaj: Organet kompetente të hetojnë urgjentisht ngjarjen

Ministri i Administratës Publike në Mal të Zi, Marash Dukaj nga radhët e Forumit Shqiptar, ka reaguar ashpër pas sulmit ndaj 3 shqiptarëve në territorin malazez.

Dukaj ka reaguar duke iu përgjigjur edhe interesimit të ministrit shqiptar të Brendshëm, Taulant Balla, ku ka theksuar se:

“U bëj thirrje organeve kompetente që të hetojnë urgjentisht të gjitha rrethanat e ngjarjes në të cilën sipas raportimeve në rrjetet sociale “tetë persona me uniformë” në Herceg Novi sulmuan tre shtetas të Shqipërisë, të marrin masa në kompetencën e tyre dhe të informojnë publike sa më shpejt të jetë e mundur për të gjitha detajet përkatëse.

Fatkeqësisht, Mali i Zi ka përvojën e keqe të një incidenti të ngjashëm që ndodhi në fillim të vitit të shkuar, por për fat të mirë, ai ka gjithashtu një traditë shumë më të gjatë shekullore të fqinjësisë së mirë, çiltërsisë, përzemërsisë dhe solidaritetit.

Veprat kriminale nuk kryhen nga kombe apo institucione, por nga individë që kanë emër dhe mbiemër. Prandaj është e nevojshme të identifikohen urgjentisht fajtorët që të mos aludohet për ndonjë faj kolektiv, e aq më pak për politikë.

Ky mesazh dhe kjo filozofi veprimi dhe mendimi është thelbi i asaj që u përcolla pasditen e sotme zyrtarëve shqiptarë që më telefonuan me interes për këtë ngjarje fatkeqe që nuk është kurrësesi tradita mes dy shteteve tona.”

Lajmet Dhuna ndaj 3 shqiptarëve, reagon ministri shqiptar i qeverisë malazeze, Dukaj: Organet kompetente të hetojnë urgjentisht ngjarjen >> Rahoveci INFO.

Ballina
RadioRahoveci
Video
Këmbimi
Moti
error: Ku po shkon !!

Adblock Detected

<script async src="https://pagead2.googlesyndication.com/pagead/js/adsbygoogle.js?client=ca-pub-4893917327478903" crossorigin="anonymous"></script>