Delegohen gjyqtarët në Superligë, Nuza e Bejtullahu në kryendeshje

Superliga e Kosovës në futboll rikthehet këtë fundjavë me ndeshjet e javës së 31-të kampionale.

Ndeshja më interesante pritet të zhvillohet në Klinë, atje ku Dukagjini i bën “konak” Ballkanit në stadiumin “18 Qershori”.

Genc Nuza do të jetë gjyqtar kryesor i këtij takimi, i ndihmuar edhe nga dy ndihmësit Fatlum Berisha dhe Bujar Selimaj.

Sfidë e fortë pritet të zhvillohet edhe në kryeqytet me Prishtinën dhe Llapin që po synojnë një vend në garat evropiane. Mervan Bejtullahu është “bilbili” kryesor i derbit rajonal, ndërkohë Gzim Mehmeti dhe Hekuran Osmani janë gjyqtarë anësor.

Takimi tjetër i “nxehtë” pritet të zhvillohet edhe në Gjilan midis Dritës dhe Ferizajt.

Gramos Shala do ta thotë fjalën kryesore në këtë përballje, kurse Besnik Morina dhe Alban Ejupi janë asistentë të tij.

Lajmet Delegohen gjyqtarët në Superligë, Nuza e Bejtullahu në kryendeshje >> Rahoveci.INFO.