Chelsea – Broja, zhvillime pozitive për futbollistin shqiptar

Sulmuesi i Shqipërisë, Armando Broja, do të rikthehet te Chelsea në fazën përgatitore, pasi u rikuperua nga dëmtimi i rëndë i gjurit përpara afatit.

21-vjeçari ka qenë jashtë fushës që nga këputja e ligamentit të kryqëzuar të përparmë në një miqësore kundër Aston Villas në Abu Dabi në dhjetor.

Por, pesë muaj pas rikuperimit të tij, Broja është rikthyer në stërvitje të lehta dhe synon një rikthim në aksion për Chelsean gjatë turneut të tyre parasezonal në Amerikë këtë verë.

Broja pritet të jetë i disponueshëm për ato miqësore, të cilat fillojnë kundër të rinjve të Ligës 2, Vreksam më 19 korrik, me kusht që të mos ketë pengesa në rikuperimin e tij.

Chelsea do të nënshkruajë me një sulmues të ri këtë verë dhe mbetet i sigurt për të nënshkruar një marrëveshje prej 50 milionë funtesh me sulmuesin e Laipzigut, Nkunku.

Disa lojtarë të Chelseas përballen me të ardhme të pasigurta, por Broja nënshkroi një kontratë të re gjashtëvjeçare në shtator dhe hierarkia e klubit nuk e sheh atë si një lojtar që mund të shitet këtë verë, raportojnë mediet angleze.

Lajmet Chelsea – Broja, zhvillime pozitive për futbollistin shqiptar >> Rahoveci.INFO.