Trepça ka shënuar fitore të rëndësishme në udhëtim ndaj BC Splitit me rezultat 78:69, në ndeshjen e vlefshme për xhiron e dytë të fazës grupore të FIBA Europe Cup.

Skuadra nga Mitrovica ka vazhduar me paraqitje të mira në arenën evropiane, duke regjistruar fitoren e dytë radhazi në të gjitha garat, pas triumfit ndaj Vëllaznimit në fundjavë.

Pas një serie prej katër humbjeve radhazi, përfshirë ato në Superkupën e Kosovës, Superligë dhe në xhiron e parë të FIBA Europe Cup, “Xehetarët” janë rikthyer te rezultatet pozitive.

Ndeshja ndaj skuadrës kroate nuk ka nisur në mënyrën më të mirë për mitrovicasit, të cilët e kanë humbur çerekun e parë me rezultat 22:19. Megjithatë, ekipi i drejtuar nga trajneri Adis Beqiragiq ka reaguar në periudhën e dytë.

Trepça e ka fituar çerekun e dytë me rezultat 19:6, duke krijuar epërsi prej dhjetë pikësh në pushimin mes pjesëve. Në vazhdim, skuadra kosovare e ka menaxhuar mirë ndeshjen dhe nuk ka lejuar që Splitit t’i jepej mundësia për rikthim, për ta mbyllur takimin me fitore prej nëntë pikësh, 78:69.

Më i dalluari te Trepça ka qenë Kevin Bracy-Davis, i cili realizoi 18 pikë, gjashtë kërcime dhe një asistim. Për paraqitjen e tij, ai është vlerësuar edhe si lojtari më i mirë i ndeshjes.

Kontribut të rëndësishëm kanë dhënë edhe James Graham me 15 pikë dhe JaCori Payne me 12. Drilon Hajrizi dhe Mikaile Tmushiq kanë shtuar nga 11 pikë secili.

Te skuadra kroate, më efikasi ka qenë slloveni Matic Rebec me 15 pikë, dy kërcime dhe dy asistime.

Trepça do ta zhvillojë ndeshjen e radhës në FIBA Europe Cup më 21 tetor, kur në palestrën “Minatori” në Mitrovicë do ta presë skuadrën çeke BK Opava.

Para kësaj përballjeje evropiane, mitrovicasit do të luajnë të dielën, nga ora 17:00, në udhëtim ndaj Borës, në kuadër të xhiros së pestë të Superligës së Kosovës.

Ndërkohë, Bashkimi nuk ka udhëtuar drejt Anglisë për ndeshjen ndaj Manchesterit, për shkak të problemeve me dokumentacionin e vizave. Skuadra prizrenase, e cila bën pjesë në Grupin F, kishte fituar në ndeshjen e parë të kësaj gare.

Kosova po përfaqësohet me dy kickboksierë në Kupën Botërore WAKO Uzbekistan 2026, e cila po mbahet në Tashkent nga 13 deri më 18 tetor.Sipas njoftimit të Federatës së Kickbox-it të Kosovës, në këtë garë ndërkombëtare po marrin pjesë Art Dulaj dhe Nart Kastrati, të shoqëruar nga kryetari i Federatës, Fatmir Makolli.

Delegacioni kosovar ka përfunduar regjistrimet zyrtare dhe matjet e peshës, ndërsa tashmë është gati për fillimin e garave.Pjesëmarrja e Kosovës në këtë aktivitet ka rëndësi të veçantë, pasi Uzbekistani ende nuk e ka njohur pavarësinë e Republikës së Kosovës.

Kjo është hera e dytë që Kosova merr pjesë në këtë ngjarje ndërkombëtare.Kryetari i Federatës së Kickbox-it të Kosovës, Fatmir Makolli, është shprehur krenar për përfaqësimin e vendit në një garë të këtij niveli, duke theksuar rëndësinë e sportit në afrimin e popujve.“Është kënaqësi dhe krenari që përfaqësojmë Kosovën në një garë të këtij niveli, veçanërisht në një shtet që ende nuk e ka njohur pavarësinë tonë.

Sporti është një urë që bashkon popujt dhe hap dyer të reja. Synimi ynë është që sportistët të japin maksimumin, të arrijnë rezultate sa më të larta dhe të bëjnë të mundur që flamuri ynë të valojë e himni i Kosovës të intonohet në podiumin më të lartë në Tashkent”, ka thënë Makolli.Garat në Tashkent do të vazhdojnë deri më 18 tetor, ndërsa dy garuesit kosovarë synojnë të përfaqësojnë denjësisht vendin në këtë ngjarje ndërkombëtare. /Kosovapress/

UEFA e ka dënuar Federatën e Futbollit të Kosovës për shkeljet e bëra në ndeshjen mes Austrisë dhe Kosovës, të zhvilluar në Vjenë më 27 shtator.

Vendimi i Trupit të Kontrollit, Etikës dhe Disiplinës të UEFA-s është publikuar të premten pasdite.

Atë ndeshje të Ligës së Kombeve e fitoi Austria me rezultatin 3:1, ndërsa ndaj FFK-së ishin dy akuza. E para kishte të bënte me transmetimin e një mesazhi të papërshtatshëm për ngjarjet sportive dhe e dyta për sjellje raciste apo diskriminuese.

Dhe për të dy akuzat FFK-ja është shpallur fajtore.

“Federata e Futbollit e Kosovës gjobitet me 15 mijë euro për transmetimin e një mesazhi të papërshtatshëm për një ngjarje sportive”, shkruan në vendim.

Por ky nuk është dënimi i vetëm.

 “Federata e Futbollit e Kosovës gjobitet me 20 mijë euro dhe vendosjen e një mase kufizuese të plotë për shitjen e biletave për tifozët e saj për një ndeshje si mysafire, në kuadër të garave të ekipeve përfaqësuese të UEFA-s, për shkak të sjelljes raciste ose diskriminuese të tifozëve të saj”.

Kufizimi për shitje të biletave për ndeshjen e Kosovës si mysafire është me kusht, për periudhë dyvjeçare.

Në Vjenë, Kosova kishte përkrahje të madhe nga tribunat. Ka pasur thirrje dhe banerë të ndryshëm në përkrahje të Kosovës. Dhe UEFA ka vlerësuar se janë shkelur rregulloret e saj.

The post UEFA dënon Federatën e Futbollit të Kosovës me 35 mijë euro first appeared on KosovaNews.

Edon Zhegrova po shkëlqen në UEFA Nations League, duke kryesuar renditjen për driblime të kompletuara.

Ylli i Kosovës ka realizuar 18 driblime të suksesshme, duke lënë pas Antonio Nusan me 13, ndërsa Arda Guler, Nuno Mendes dhe Tomas Suslov kanë nga 11.

18 – Edon Zhegrova

13 – Antonio Nusa

11 – Arda Guler

11 – Nuno Mendes

11 – Tomaš Suslov

Me këtë statistikë, Zhegrova është aktualisht lojtari me më së shumti driblime të kompletuara në kompeticion, duke konfirmuar edhe një herë aftësitë e tij në duelet një kundër një.

The post Zhegrova, lojtari me më së shumti driblime në UEFA Nations League first appeared on KosovaNews.

Kosova ka vendosur rekord të ri në renditjen e FIFA-s. Pas ndeshjeve të fundit të Ligës së Kombeve, Dardanët janë ngjitur në pozitën e 76-të në botë, duke regjistruar renditjen më të mirë në historinë e tyre.

Rekordi i mëparshëm ishte pozita e 78-të, të cilën Kosova e kishte arritur në vitin 2026. Në renditjen zyrtare të korrikut, Dardanët ishin pikërisht në vendin e 78-të, ndërsa tash kanë bërë edhe dy hapa të tjerë përpara. Kosova ka kaluar Izraelin dhe Bolivinë në renditjen e përgjithshme.

Ngritja është edhe më e dukshme nëse krahasohet me vitet e kaluara. Kosova e mbylli vitin 2025 në pozitën e 80-të, ndërsa në fund të vitit 2024 ishte e 99-ta.

Në vitin 2023 ishte në vendin e 101-të, kurse në vitin 2022 në pozitën e 107-të.

Kështu, brenda vetëm katër viteve, Kosova është ngjitur nga pozita e 107-të në 76-tën, ndërsa nga viti 2017, kur ishte në vendin e 177-të, përparimi është edhe më i madh.

Ky rekord i ri vjen pas një serie rezultatesh në Ligën e Kombeve, ku Kosova mori pesë pikë në katër ndeshjet e para dhe aktualisht mban pozitën e dytë në grup.

 Renditja aktuale e FIFA-s

Dardanët do t’i zhvillojnë edhe dy ndeshje në nëntor, ndaj Izraelit dhe Irlandës, me mundësinë për ta përmirësuar edhe më tej pozitën në renditjen botërore

The post Rekord i ri për Kosovën në renditjen e FIFA-s, Dardanët vazhdojnë ngjitjen në pozita first appeared on KosovaNews.

Kosova e ka përmbyllur në vendin e dytë Kampionatin Ballkanik në mundje, në konkurrencën U20 për femra.

Kampionati është zhvilluar në Koprivnicë të Kroacisë, ku mundësit kosovarë kanë pasur paraqitje të suksesshme dhe kanë fituar gjithsej shtatë medalje.

Në konkurrencën U20 për femra, Kosova ka fituar tri medalje të argjendta. Në podium janë ngjitur Lonisa Reka, Dorentina Nezaj dhe Lorena Duraj.

Paraqitje të mira kanë zhvilluar edhe Adriatik Berisha, Erand Flugaj, Amin Hoti dhe Elsa Nikoci, por ata nuk kanë arritur të sigurojnë medalje.

Pa fat ka qenë Kanita Spahija, e cila është lënduar në kraharor gjatë xhiros së parë. Me rekomandimin e mjekut, ajo është detyruar ta ndërpresë garën.

Federata e Mundjes e Kosovës i ka uruar Spahijës shërim të shpejtë dhe rikthim sa më të shpejtë në tapet.

Në bilancin e përgjithshëm të Kampionatit Ballkanik, mundësit e Kosovës kanë fituar katër medalje të argjendta dhe tri të bronzta, për gjithsej shtatë medalje.

Kosova e ka përmbyllur garën në Kroaci në vendin e dytë në konkurrencën e femrave U20.

The post Kosova e dyta në Ballkan në mundje, fiton shtatë medalje në Kroaci first appeared on KosovaNews.

Kombëtarja e Kosovës ka barazuar 1:1 me Austrinë në ndeshjen e vlefshme për UEFA Nations League, të zhvilluar sonte në stadiumin “Fadil Vokrri” në Prishtinë.

“Dardanët” kaluan në epërsi në minutën e 69-të, kur Fisnik Asllani realizoi për 1:0 pas një aksioni të bukur të Kosovës dhe asistimit të Edon Zhegrovës, shkruan Indeksonline.

Kosova ishte pranë fitores, por Austria arriti të barazojë në minutën e 85-të. Golin e barazimit e shënoi Christoph Lang.

The post Kosova nuk arrin më shumë se një pikë ndaj Austrisë në “Fadil Vokrri” first appeared on KosovaNews.

Kryeministri i Kosovës, Albin Kurti, bashkë me ministren Donika Gërvalla dhe kryetarin e Federatës së Futbollit të Kosovës, Agim Ademi, po e përcjellin nga stadiumi “Fadil Vokrri” ndeshjen mes Kosovës dhe Austrisë.

Kurti, Gërvalla dhe Ademi janë të pranishëm në tribuna, ku po ndjekin nga afër këtë përballje.

The post Kurti në stadium, në mbështetje të dardanëve përballë Ausrisë first appeared on KosovaNews.

Ka përfunduar pjesa e parë mes Kosovës dhe Austrisë në “Fadil Vokrri”.

Pavarësisht rasteve nga të dy anët, si Kosova ashtu edhe Austria dështuan t’i konkretizojnë.

Kosova e nisi më mirë për të krijuar rastin e parë përmes Veldin Hoxhës, megjithatë goditja e mesfushorit përfundoi jashtë portës.

Pas kësaj, Austria mori posedimin duke krijuar disa aksione dhe tentuan nga distanca, megjithatë Amir Shaipi me pritje të sigurta nuk lejoi asnjë befasi.

Vedat Muriqi gjithashtu kishte një rast të mirë pas një lëshimi në mbrojtjen mysafire mirëpo portieri u tregua i shpejtë për të mos e lejuar të bëjë goditjen.

Kësisoj, mbetet të shihet në pjesën e dytë nëse Kosova do të arrijë ta thyejë Austrinë./Telegrafi/

The post Nuk ka gola në pjesën e parë në ndeshjen Kosovë –Austri first appeared on KosovaNews.

Janë publikuar formacionet startuese të ndeshjes mes Kosovës dhe Austrisë, e cila zhvillohet sonte nga ora 18:00 në stadiumin “Fadil Vokrri”, në kuadër të Grupit B3 të Ligës së Kombeve.

Kjo do të jetë përballja e dytë mes Kosovës dhe Austrisë në këtë edicion të Ligës së Kombeve. Në ndeshjen e fundit, të zhvilluar më 27 shtator në Austri, vendasit kanë triumfuar me rezultat 3:1.

Pas tri ndeshjeve të zhvilluara, Austria është lidere e grupit me shtatë pikë. Republika e Irlandës dhe Kosova kanë nga katër pikë, ndërsa Izraeli ka një pikë. Austria i ka fituar dy ndeshje dhe ka barazuar një, ndërsa Kosova ka një fitore, një barazim dhe një humbje.

The post Kosova – Austria, formacionet zyrtare first appeared on KosovaNews.