Ministria për Punë, Familje dhe Vlerat e Luftës Çlirimtare ka njoftuar se ministri Andin Hoti ka nënshkruar vendimin që përcakton kushtet dhe kriteret për përfitim nga programi për mbrojtjen e konsumatorëve të cenueshëm të energjisë elektrike 2026–2027.

Përmes këtij vendimi përcaktohen kriteret për përfitim, mënyra e aplikimit, llogaritja dhe pagesa e subvencionit, si dhe procedurat për shqyrtimin e aplikacioneve dhe verifikimin e të dhënave të aplikuesve.

“Programi, për të cilin qeveria ka ndarë 15 milionë euro, synon të mbështesë familjet që kanë më së shumti nevojë për ndihmë në përballimin e faturave të energjisë elektrike” thuhet në njoftim.

Ministria bën me dije se thirrja për aplikim do të hapet së shpejti.

“Për datën e hapjes dhe mënyrën e aplikimit do t’ju njoftojmë me kohë”, deklaron MPFVLÇ-ja.

Qeveria e Republikës së Kosovës, përmes Ministrisë së Financave dhe Ministrisë së Shëndetësisë, ka nënshkruar marrëveshje financimi në vlerë prej 41 milionë eurosh me Bankën Evropiane të Investimeve (EIB) dhe Bankën për Zhvillim të Këshillit të Evropës (CEB), për modernizimin e pajisjeve mjekësore në institucionet publike shëndetësore të vendit.

Secili institucion financiar do të kontribuojë me nga 20.5 milionë euro, të cilat do të përdoren për blerjen e pajisjeve moderne mjekësore për Qendrën Klinike Universitare të Kosovës (QKUK) dhe gjashtë spitalet e përgjithshme rajonale.

Investimi përfshin pajisje të avancuara diagnostikuese dhe terapeutike, përfshirë skanerë CT, pajisje ultrazëri dhe pajisje për sallat e operacionit, si dhe mbështetjen për përmirësimin e kapaciteteve të njësive të kujdesit kritik.

Projekti synon të përmirësojë cilësinë, qasjen dhe kapacitetin e shërbimeve publike shëndetësore për rreth 1.6 milionë qytetarë, duke forcuar diagnostikimin, trajtimin dhe kujdesin ndaj pacientëve në të gjithë Kosovën, me vëmendje të veçantë edhe për familjet dhe grupet më të cenueshme.

Përgatitja e projektit është mbështetur edhe nga Bashkimi Evropian, përmes një granti prej 1.25 milionë eurosh nga Korniza e Investimeve për Ballkanin Perëndimor (WBIF), për studimin e fizibilitetit dhe përgatitjen e tij. Gjithashtu, CEB ka miratuar një grant shtesë deri në 750 mijë euro për mbështetje ekspertësh gjatë zbatimit.

Përmes këtij investimi, Qeveria e Republikës së Kosovës vazhdon të forcojë sistemin publik shëndetësor dhe të përmirësojë kushtet për ofrimin e shërbimeve shëndetësore, duke u mundësuar profesionistëve shëndetësorë qasje në teknologji moderne dhe qytetarëve kujdes më cilësor e më të qasshëm.

Ky bashkëpunim me partnerët financiarë evropianë dëshmon rëndësinë e partneritetit ndërkombëtar në mbështetjen e investimeve strategjike dhe në avancimin e shërbimeve publike në Kosovë.

Qeveria e Kosovës ka nënshkruar marrëveshje financimi në vlerë prej 41 milionë eurosh me Bankën Evropiane të Investimeve (BEI) dhe Bankën për Zhvillim të Këshillit të Evropës (CEB), për modernizimin e pajisjeve mjekësore dhe përmirësimin e infrastrukturës shëndetësore në vend.

Financimi do të ndahet në mënyrë të barabartë mes dy institucioneve financiare evropiane dhe do të përdoret për investime në Qendrën Klinike Universitare të Kosovës (QKUK) në Prishtinë, si dhe në spitalet rajonale të Prizrenit, Pejës, Gjakovës dhe Gjilanit.

Ministri i Financave, Hekuran Murati, tha se marrëveshja synon të mundësojë investime konkrete në pajisje dhe infrastrukturë shëndetësore.
“Vlera e përgjithshme e këtij projekti është 41 milionë euro dhe bashkëfinancimi është i ndarë barabartë nga dy bankat, pra EIB dhe CEB”, deklaroi Murati.

Ai bëri të ditur se investimet do të përfshijnë pajisje moderne mjekësore dhe infrastrukturën përcjellëse në institucionet shëndetësore të përfshira në projekt.

Ndërkaq, ministri i Shëndetësisë, Arben Vitia, tha se modernizimi i infrastrukturës dhe teknologjisë mjekësore është pjesë e prioriteteve të përcaktuara në Strategjinë Sektoriale të Shëndetësisë 2025–2030.

“Strategjia i jep një rëndësi të veçantë përmirësimit të infrastrukturës fizike të institucioneve shëndetësore sekondare dhe terciare, me furnizimin e tyre me pajisje mjekësore moderne për një periudhë afatgjatë”, tha Vitia.

Sipas tij, objektivat strategjikë përfshijnë edhe riorganizimin e institucioneve shëndetësore, me synim përmirësimin e kapaciteteve dhe shërbimeve që ofrohen për pacientët.

Nënkryetari i Bankës Evropiane të Investimeve, Robert de Groot, vlerësoi se investimi do të ndihmojë në rritjen e qasjes në pajisje dhe infrastrukturë moderne për pacientët dhe profesionistët shëndetësorë në Kosovë.

“Kjo do të thotë pajisje mjekësore të avancuara dhe përmirësim i infrastrukturës mbështetëse, duke rezultuar në diagnostikim më të mirë, trajtim më efektiv dhe kujdes të përmirësuar për pacientët”, deklaroi de Groot.

Edhe zëvendësguvernatori për Strategjinë e Zhvillimit Social në Bankën për Zhvillim të Këshillit të Evropës, Johannes Böhmer, theksoi rëndësinë e investimeve në shëndetësi dhe përgjegjësinë e institucioneve publike për sigurimin e shërbimeve themelore për qytetarët.

“Dhe mendoj se popullatat në të gjitha vendet tona presin një sistem të fortë shëndetësor si një shërbim bazë që qeveritë duhet ta sigurojnë në mënyrë që të mbajnë popullatën e tyre funksionale”, u shpreh Böhmer.

Marrëveshja prej 41 milionë eurosh synon të kontribuojë në përmirësimin e kushteve për trajtimin e pacientëve dhe punën e profesionistëve shëndetësorë, përmes furnizimit me teknologji moderne dhe investimeve në infrastrukturën e institucioneve publike shëndetësore.

Ai këto deklarime i bëri në aktivitetin e organizuar nga kjo ministri, procesit të Berlinit për financat e paligjshme, “Beyond Compliance – Ndërtimi i ekonomive të qëndrueshme përmes integritetit financiar”.

“Ky është thelbi i temës së sotme, ‘Përtej përputhshmërisë me rregullat’. Natyrisht, rëndësi ka të kemi ligjet e duhura dhe të përmbushim standardet ndërkombëtare, por ligjet në letër nuk tregojnë nëse sistemi funksionon vërtet. Prova e vërtetë qëndron në atë që ndodh më pas. Dëshiroj të ndaj shkurtimisht me ju disa nga masat që po ndërmarrim në Kosovë. Një nga mënyrat më të thjeshta për të vepruar, një masë që mund të zbatohej relativisht lehtë, ishte trajtimi i çështjes së pagesave me para të gatshme. Këto pagesa zakonisht nuk mund të gjurmohen, ose gjurmimi i tyre është i vështirë, dhe ato mund të përdoren për financim të paligjshëm”, tha Murati.

Duke folur për masat që po ndërmerren në Kosovë në fushën e integritetit financiar, Murati ka thënë se për transaksionet ndërmjet bizneseve dhe konsumatorëve, kufiri i pagesave me para të gatshme është 2.000 euro, ndërsa pjesa tjetër duhet të realizohet përmes transaksioneve të gjurmueshme në institucione financiare të licencuara në vend.

“Ne e kemi ulur kufirin e pagesave me para të gatshme ndërmjet bizneseve nga 500 në 300 euro. Ndërsa për transaksionet ndërmjet bizneseve dhe konsumatorëve, kufiri i pagesave me para të gatshme tani është 2.000 euro. Pjesa tjetër mund të kryhet, ose duhet të kryhet, përmes një transaksioni të gjurmueshëm në një institucion financiar të licencuar në vend. Përveç kësaj, së fundmi ka pasur zhvillime edhe në fushën e përgjegjësisë së Bankës Qendrore. Ajo ka ndërmarrë hapa për të vënë nën kontroll dhe për të licencuar edhe operatorët e këmbimit që përdorin kriptovaluta. Kjo, natyrisht, mund të ndihmojë që pagesat dhe transaksionet të bëhen digjitale, të gjurmueshme dhe më transparente. Në këtë mënyrë, mbështetet edhe konkurrenca e ndershme dhe ndihmohet kalimi i më shumë aktivitetit ekonomik në ekonominë formale, aty ku i takon. Megjithatë, asnjë masë e vetme, asnjë institucion dhe, aq më pak, asnjë shtet nuk mund ta bëjë këtë i vetëm. Paratë e përfituara në mënyrë të paligjshme kalojnë shumë lehtë përtej kufijve, prandaj edhe bashkëpunimi ynë duhet të jetë po aq i lehtë dhe efikas”, tha ai.

Ndërkaq, ambasadori i Malit të Zi në Kosovë, Bernard Çobaj, ka theksuar se integriteti financiar është thelbësor për ndërtimin e ekonomive të besueshme, mbrojtjen e burimeve publike dhe krijimin e kushteve për konkurrencë të drejtë ndërmjet bizneseve.

“Integriteti financiar, në thelb, ka të bëjë me ndërtimin e ekonomive në të cilat njerëzit mund të kenë besim, ku bizneset legjitime konkurrojnë në mënyrë të drejtë, burimet publike mbrohen, kapitali mbështet investimet produktive dhe sistemet financiare janë të qëndrueshme përballë pastrimit të parave, korrupsionit dhe flukseve të paligjshme financiare. Kjo qasje ambicioze lidhet drejtpërdrejt me katër prioritetet strategjike të kryesimit të Malit të Zi në Procesin e Berlinit: rritjen ekonomike gjithëpërfshirëse dhe konkurrueshmërinë, sigurinë dhe qëndrueshmërinë, si dhe tranzicionin e gjelbër dhe të qëndrueshëm”, tha ai.

Çobaj ka vlerësuar se procesi i Berlinit krijon mundësi për bashkëpunim rajonal dhe për gjetjen e zgjidhjeve të përbashkëta në luftimin e flukseve të paligjshme financiare.

“Procesi i Berlinit ofron një platformë thelbësore për avancimin e këtyre prioriteteve, duke bashkuar qeveritë, organizatat rajonale, shoqërinë civile, ekspertët dhe sektorin privat rreth sfidave të përbashkëta dhe zgjidhjeve praktike. Prandaj, integriteti financiar është më shumë sesa një çështje teknike. Ai është një domosdoshmëri ekonomike dhe e sigurisë, si dhe parakusht për të ardhmen evropiane që synojmë të ndërtojmë”, tha ai.

Edhe zëvendësambasadorja e Gjermanisë në Kosovë, Silke Bellmann, ka theksuar rëndësinë e transparencës, inovacionit dhe partneritetit për të luftuar flukset e paligjshme financiare.

Ajo ka thënë se institucionet duhet të mbyllin zbrazëtitë ligjore që mundësojnë fshehjen e pronësisë së kompanive, të përdorin teknologjinë për identifikimin e parregullsive dhe të forcojnë shkëmbimin e informacioneve ndërmjet institucioneve dhe shteteve.

“Për të ndërprerë në mënyrë efektive flukset e paligjshme financiare, duhet të përqendrohemi në tri shtylla kryesore. Së pari, transparenca. Duhet të mbyllim zbrazëtitë ligjore që u mundësojnë kriminelëve të fshihen pas kompanive fiktive anonime dhe të sigurojmë transparencë të mirëfilltë mbi pronësinë përfituese”.

“Së dyti, inovacioni. Duhet ta shfrytëzojmë teknologjinë, duke përdorur analizën e avancuar të të dhënave dhe inteligjencën artificiale për të identifikuar parregullsitë dhe për të gjurmuar rrjetet kriminale në kohë reale. Së treti, partneriteti. Duhet t’i kapërcejmë barrierat ndërmjet institucioneve dhe sektorëve. Kjo nënkupton bashkëpunim më të thellë ndërmjet sektorit publik dhe atij privat, si dhe shkëmbim më të fuqishëm të informacioneve përtej kufijve”, tha ajo.

The post Murati: Kosova po merr masa për të parandaluar financimet e paligjshme first appeared on KosovaNews.

Ministri i Infrastrukturës dhe Transportit, Dimal Basha, priti në takim Ambasadoren e re të Zvicrës në Kosovë, znj. Anne-Lise Cattin Hennin.

Gjatë takimit u diskutua për marrëdhëniet e shkëlqyera ndërmjet Kosovës dhe Zvicrës, rolin e rëndësishëm të mërgatës sonë në forcimin e këtyre lidhjeve, si dhe mundësitë për zgjerimin e bashkëpunimit bilateral.

Në fokus të veçantë ishin projektet konkrete në fushën e transportit, me synim avancimin e bashkëpunimit dhe zhvillimin e iniciativave të përbashkëta.

Ministria e Infrastrukturës dhe Transportit mbetet e përkushtuar për thellimin e partneritetit me Zvicrën dhe realizimin e projekteve në dobi të qytetarëve.

The post Basha pret ambasadoren e re të Zvicrës, diskutohet bashkëpunim first appeared on KosovaNews.

Përmes një postimi në rrjetet sociale, Gërvalla ka bërë të ditur se kandidatët e interesuar mund të aplikojnë nga 9 deri më 19 tetor 2026, përmes platformës elektronike e-Kosova.

Ndërkohë, Provimi i Jurisprudencës është paraparë të mbahet më 21 dhe 22 nëntor 2026.

“Nisim ditën e sotme me një lajm të mirë për të gjithë ata që janë në pritje të mundësisë për ta dhënë Provimin e Jurisprudencës, sepse sot hapet afati i ri për aplikim”, ka shkruar Gërvalla.

Ajo u ka bërë thirrje juristëve që ta shfrytëzojnë këtë mundësi, duke theksuar rëndësinë e këtij provimi për zhvillimin dhe avancimin e tyre profesional.

“Si Ministre e Drejtësisë, mbetem fuqishëm e përkushtuar që ky proces të jetë i drejtë, profesional dhe i bazuar plotësisht në meritë”, ka deklaruar Gërvalla.

The post Hapet afati për Provimin e Jurisprudencës, Gërvalla njofton datat e aplikimit dhe mbajtjes së provimit first appeared on KosovaNews.

Ministria e Infrastrukturës dhe Transportit ka njoftuar se punimet në rrugën Kijevë–Zahaq (N9) po vazhdojnë në disa segmente të projektit.

Sipas ministrisë, në Lotin 4 janë asfaltuar rreth 1.5 kilometra me shtresën e parë të asfaltit, ndërsa punimet po zhvillohen paralelisht edhe në segmentet e tjera të rrugës.

Ministria e ka cilësuar këtë rrugë si një nga arteriet kryesore të Dukagjinit, duke theksuar rëndësinë e saj për qarkullimin dhe lidhjen e kësaj zone.

Tutje në njoftim theksohet se Ministria e Infrastrukturës dhe Transportit po vazhdon të adresojë çështjet që kanë përcjellë realizimin e projektit, krahas mbikëqyrjes së punimeve në terren.

“Cilësi në realizim, dinamikë më e lartë e punimeve dhe respektim i afateve, për ta çuar projektin sa më shpejt drejt përfundimit”, thuhet në njoftimin e ministrisë.

The post Vazhdojnë punimet në rrugën Kijevë–Zahaq first appeared on KosovaNews.

Inspektorati Qendror i Punës, gjatë inspektimeve në dy objekte ndërtimi në Komunën e Gjakovës, ka konstatuar parregullsi në mosmarrjen e masave për siguri dhe shëndet në punë.

Për këtë arsye, Inspektorati Qendror i Punës deklaron se ka nxjerrë vendime për ndalimin e përkohshëm të punimeve në këto dy objekte ndërtimi.

Kjo do të bëhet deri në eliminimin e të gjitha mangësive të evidentuara dhe krijimin e kushteve të sigurta për zhvillimin e punës.

“Inspektorati Qendror i Punës mbetet i përkushtuar në mbikëqyrjen e zbatimit të legjislacionit të punës dhe apelon te të gjithë punëdhënësit që të respektojnë standardet e sigurisë dhe shëndetit në punë, me qëllim të parandalimit të aksidenteve në vendin e punës” thuhet në njoftim.

The post Inspektorati ndal punimet në dy objekte në Gjakovë first appeared on KosovaNews.

Punimet në urën e re në Mitrovicë po zhvillohen me dinamikë të lartë, ndërsa projekti tashmë ka hyrë në fazat e fundit të realizimit.

Kështu ka bërë të ditur Ministria e Infrastrukturës, në një postim të ri.

Me ritmin aktual të punimeve, përfundimi i urës pritet të bëhet brenda afatit të paraparë.

Sipas Ministrisë, ky investim do të rrisë sigurinë dhe efikasitetin në qarkullim, do të përmirësojë lidhjen ndërmjet zonave të qytetit dhe do të krijojë kushte më të mira për lëvizjen e qytetarëve, zhvillimin e bizneseve dhe aktivitetin ekonomik.

“Ministria e Infrastrukturës dhe Transportit po vazhdon mbikëqyrjen e punimeve në terren, me fokus në cilësi, dinamikë dhe respektim të afateve” thuhet në njoftim.

The post Ura e re në Mitrovicë drejt përfundimit first appeared on KosovaNews.

Komuna e Fushë Kosovës, në partneritet me Programin e Kombeve të Bashkuara për Zhvillim (UNDP), ka nisur zbatimin e Programit “In Motion”, i cili synon të mbështesë bizneset e vogla dhe të kontribuojë në zhvillimin e ekonomisë lokale.

Në kuadër të fazës së parë pilotuese në Fushë-Kosovë, janë përzgjedhur 14 biznese që do të përfitojnë këshillim individual, mentorim dhe mbështetje praktike, të përshtatur me nevojat dhe sfidat e tyre.

Në sesionin e parë informues të programit morën pjesë kryetari i Komunës së Fushë Kosovës, Valon Prebreza, përfaqësuesi i përhershëm i UNDP-së në Kosovë, Nuno Queirós, drejtoresha për Zhvillim Ekonomik, Pranvera Merovci, përfaqësues të UNDP-së dhe bizneset e përzgjedhura.

Sipas Komunës së Fushë Kosovës, përmes këtij programi synohet krijimi i mundësive të reja për rritjen e bizneseve, forcimin e konkurrueshmërisë dhe nxitjen e zhvillimit të qëndrueshëm ekonomik.

Programi “In Motion” do të ofrojë mbështetje të drejtpërdrejtë për bizneset pjesëmarrëse, me fokus në zhvillimin e kapaciteteve dhe adresimin e nevojave të tyre përmes këshillimit dhe mentorimit.

The post Komuna e Fushë Kosovës dhe UNDP nisin zbatimin e Programit “In Motion” first appeared on KosovaNews.