Bislimi e uron Sorensenin për pozitën e emisarit, i tregon se si duhet të punojë për të pasur sukses
Kreu i Ekipit Negocaitor të Kosovës, Besnik Bislimi, e ka uruar diplomatin danez, Peter Sorensen, për marrjen e pozitës së emisarit për ndërmjetësimin e dialogut Kosovë-Serbi.
Në një postim në “X”, Bislimi ka thënë se i uron një mandat të suksesshëm si ndërmjetësues dhe ka shkuar edhe një hap më tej, duke ia kujtuar Sorensenit se duhet një qasje e balancuar mes palëve në dialog, meqë ky është parakusht për suksesin e procesit të normalizimit.
“Urime Peter Sorensen për emërimin si Përfaqësues i Lartë i ri i BE-së për procesin e dialogut. I urojmë atij një mandat të suksesshëm si lehtësues, me një qasje të balancuar ndaj palëve dhe negociata si parakusht kyç për një proces të suksesshëm drejt normalizimit të plotë të marrëdhënieve”, ka shkruar Bislimi.
Congrats to Peter Sorensen for the appointment as the new EUSR for the dialogue process. Wish him a successful mandate as a facilitator, w/ a balanced approach towards the parties & negotiations as key precondition for a successful process towards full normalization of relations.
— Besnik Bislimi (@BislimiBesnik) January 28, 2025
Peter Sorensen do ta pasojë sllovakun Miroslav Lajçak nga data 1 shkurt 2025.