Berisha dhe dhëndri i tij lihen në arrest shtëpie nga Apeli i GJKKO

Apeli i GJKKO nuk ndryshon masën për ish-kryeministrin Sali Berisha dhe dhëndrin e tij, Jamarbër Malltezi. 

Vendimi i marrë sot nga gjyqtarja Ilirjana Olldashi ka lënë në fuqi masën e shkallës së parë të GJKKO. Berisha dhe Malltezi do të vazhdojnë të qëndrojnë në arrest shtëpie.

Ish-kryeministri Sali Berisha ndodhet i izoluar në shtëpi prej 30 dhjetorit 2023.

KOMUNIKIM PËR MEDIAN NGA GJKKO

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtarja Iliriana Olldashi, sot më 18.06.2024, shpalli vendimin mbi çështjen penale nr. 130 akti, datë 11.06.2024 regjistrimi, regjistruar mbi ankimin e personave nën hetim/ankues S.B. dhe J.M., me objekt: “Ankim ndaj vendimit nr. 245 akti, datë 21.05.2024 të Gjykatës së Posaçme të Shkallës së Parë për Korrupsionin dhe Krimin e Organizuar (me objekt: Informacion dymujor në kuadër të procedimit penal)”, dhe vendosi:

Miratimin e vendimit nr. 245 akti, datë 21.05.2024 të Gjykatës së Posaçme të Shkallës së Parë për Korrupsionin dhe Krimin e Organizuar.

Lajmet Berisha dhe dhëndri i tij lihen në arrest shtëpie nga Apeli i GJKKO >> Rahoveci INFO.