Bentancur bie pa ndjenja, kjo është gjendja e tij

Mesfushori i Tottenhamit, Rodrigo Bentancur, është larguar me barelë pas vetëm gjashtë minutave lojë në gjysmëfinalen e parë të “Carabao Cup” ndaj Liverpoolit.

Uruguaiani 27-vjeçar tentoi ta godiste me kokë një top, por më pas ra në tokë dhe humbi vetëdijen, shkruan BBC.

Stafi mjekësor ia dha ndihmën në fushë për afro nëntë minuta dhe e shoqëroi atë jashtë fushës me oksigjen, para se ai të zëvendësohej nga sulmuesi Brennan Johnson.

Më vonë u konfirmua se ai është i vetëdijshëm dhe ka folur, shkruan “BBC” të mërkurën në mbrëmje.