Begaj telefonon Osmanin: Mbështetesim hetimin e plotë të aktit terrorist në Ibër-Lepenc

Presidenti i Shqipërisë, Bajram Begaj zhvilloi sot një bisedë telefonike me Presidenten e Kosovës, Vjosa Osmani ku dënoi ashpër aktet terroriste me lëndë eksplozive mbi Kanalin e Ibër-Lepenic.

Ai u shpreh se shpërthimin “synon shkatërrimin e infrastrukturës kritike e cënon sigurinë kombëtare të Kosovës”.

Sipas njoftimit nga Presidenca e Shqipërisë, Begaj në bisedën telefonike me Osmanin mbështeti “fuqishëm të gjitha përpjekjet e Republikës së Kosovës për përballimin e situatës dhe hetimin e ndëshkimin e plotë të këtij akti sabotues e terrorist”.

Sulmi u cilësua akt terrorist nga autoritetet e Kosovës ndërsa u dënua edhe nga SHBA dhe BE.