Bayern gjen zëvendësuesin e Neuer, firmos me 21-vjeçarin
Bayern Munich ka firmosur me portierin 21-vjeçar, Jonas Urbig. Pas arritjes së marrëveshjes me Koln, bavarezët kanë bërë publik lajmin, nëpërmjet një postimi në kanalet e klubit.
“FC Bayern ka nënshkruar me Jonas Urbig. Portieri 21-vjeçar bashkohet nga 1. FC Köln dhe do të jetë me ne deri në vitin 2029” – shkruan klubi.
Urbig është aktivizuar gjatë karrierës së tij në skuadra të ndryshme të Bundesligës së dytë gjermane si Regensburg dhe Greuther Furth, ndërsa shihet si pasardhësi i 38-vjeçarit Manuel Neuer te Bayern.
