Bajrami – Hillit: S’mund të ketë normalizim pa njohje reciproke
Ambasadori i Kosovës në Bruksel, Agron Bajrami, ka reaguar pas deklaratës së ambasadorit amerikan në Beograd, Christopher Hill, i cili ka thënë se s’mendon që Serbisë duhet t’i kërkohet njohja e Kosovës si kusht për hyrje në BE.
Hill dje ka thënë se BE-ja po kërkon normalizim mes dy shteteve.
Bajrami në reagimin e tij ndaj diplomatit amerikan ka thënë se synimi i dialogut është normalizimi dhe se pa njohje reciproke s’mund të arrihet diçka e tillë.
“Qëllimi i Dialogut të Brukselit të udhëhequr nga BE është të arrihet normalizimi i plotë i marrëdhënieve ndërmjet #Kosovës dhe Serbisë. Pa njohje reciproke, nuk mund të ketë normalizim”, ka shkruar Bajrami, duke potencuar se kjo gjë është e qartë dhe e thjeshtë.
It’s plain and simple:#EU led Brussels Dialogue goal is to achieve full normalization of relations between #Kosovo and Serbia. Without mutual recognition, there can be no normalization.
— Agron Bajrami (@AgronBajrami) June 14, 2024
Lajmet Bajrami – Hillit: S’mund të ketë normalizim pa njohje reciproke >> Rahoveci INFO.
