Pas ngjarjeve të fundit në Tiranë, ku protestuesit u përballën me forcën e policisë, reperi i njohur shqiptar, Capital T, ka bërë një apel të fortë për paqe dhe respektim të të drejtave të njeriut. Ai ka dënuar ashpër përdorimin e dhunës ndaj qytetarëve, duke theksuar se çdo formë e brutalitetit është e papranueshme. Artisti […]

The post Thirrje për paqe: Capital T reagon ndaj dhunës në protestat e Tiranës appeared first on InfoKosova.

Shkruan: Arianit Koci

Kuvendi voton tërheqjen nga marrëveshja. BE-ja e kundërshton. Dhomat e Specializuara, të njohura si Gjykata Speciale, vazhdojnë punën.

Të burgosurit mbeten në qeli. Arrestimet mund të vazhdojnë. Ky është një skenar i mundshëm. Çfarë bëjmë atëherë?

Konsumi politik dhe e vërteta kushtetuese

Mundësia për ta zhbërë Gjykatën Speciale me 80 vota, pa votat e pakicave, përdoret shpesh për konsum politik, ose vjen nga mosnjohja e ligjeve dhe Kushtetutës.

Për tërheqjen nga marrëveshja me BE-në duhen 80 vota. Aty nuk kërkohen votat e deputetëve të komuniteteve joshumicë.

Por për ndryshimin e nenit 162 të Kushtetutës duhen 80 vota gjithsej, ku përfshihen patjetër dy të tretat e deputetëve të komuniteteve joshumicë.

Përveç kësaj, ky ndryshim duhet të kalojë edhe në kontrollin e Dhomës së Specializuar të Gjykatës Kushtetuese, për të parë nëse cenon të drejtat e garantuara me Kapitullin II.

Rreziku i një kontesti të njëanshëm

Edhe nëse Kuvendi e miraton tërheqjen, ajo nuk e ndryshon Kushtetutën dhe as nuk e shfuqizon ligjin themelues. Specialja mund t’i vazhdojë gjykimet edhe pas vendimit të Kuvendit.

Në Prishtinë mund të votohet, por burimi i problemit është se BE-ja e kundërshton çdo iniciativë për ndryshim pa marrëveshje paraprake.

Kështu hapet një kontest juridik që kthehet në përplasje të rëndë politike. Rrezikojmë t’i dëmtojmë seriozisht raportet me BE-në, pa e ndalur punën e Speciales.

Shfuqizimi dhe realiteti në terren

Vendimi për tërheqje nuk i liron të burgosurit dhe as nuk i shuan urdhërarrestet. Po nëse institucionet tona refuzojnë të bashkëpunojnë?

Policia e Prokurorisë së Specializuar ka kompetenca të veta në Kosovë. Sa kohë që baza ligjore mbetet në fuqi (neni 162) ajo mund të kryejë arrestime të ligjshme, me mbështetjen e EULEX-it.

Mosbashkëpunimi i Policisë së Kosovës mund ta vështirësojë ose ta shtyjë një operacion. E nëse policia jonë urdhërohet ta pengojë aktivisht çdo operacion të Speciales, rrezikojmë përballje mes njerëzve të armatosur që zbatojnë urdhra të kundërt.

Në anën tjetër, edhe nëse personi i kërkuar nuk arrestohet në Kosovë, ai mund të arrestohet jashtë saj.

Propozimi im: Çfarë duhet bërë?

Unë besoj se mund të negociohet me BE-në. Por duhet ta dimë çfarë kërkojmë dhe me çfarë argumentesh shkojmë në tryezë. Në bisedime duhet ta shtrojmë edhe historinë politike të kësaj çështjeje.

Propozimi im është ky: institucionet të dalin me një qëndrim të përbashkët. Të thonë se cilat shkelje pretendojnë, çfarë provash kanë dhe çfarë kërkojnë të ndryshojë dhe çka është e papranueshme për Kosovën si shtet sovran dhe i pavarur.

Për secilën kërkesë duhet të përcaktohet rruga juridike. Duhet të caktohet një emisar apo i deleguar special i kryeministrit, i cili e njeh mirë këtë problematikë.

Ky emisar duhet të jetë intelektualisht i ngritur, energjik, aktiv dhe dinamik. Ai nuk duhet të ndalet asnjëherë duke lëvizur e duke lobuar në çdo shtet të BE-së.

Përfundimi i mandatit përmes diplomacisë

Me raportin e emisarit dhe me kërkesat e artikuluara, duhet të ulemi me BE-në për ndryshimet e infrastrukturës ligjore.

Atëherë bisedojmë për përfundimin e mandatit: çfarë ndodh me proceset, si mbrohen dëshmitarët dhe cilat përgjegjësi mbeten.

Vetë neni 162 parashikon një mekanizëm për përfundimin e mandatit.

Askush nuk mund të premtojë se çdo kërkesë e jona do të pranohet. Por këtë përpjekje duhet ta bëjmë.

Kosova nuk ka kohë për aventura politike që zgjasin vetëm një ditë sa për të marrë vota apo duartrokitje në Kuvend. Mbi të gjitha, popullizmi primitiv nuk i liron të burgosurit në Hagë dhe nuk e mbron shtetin tonë.

Duhet të jemi të sinqertë me qytetarët: t’i mbledhësh 80 vota në Prishtinë pa marrëveshje me aleatët është rrugë qorre. Ajo nuk e ndal Gjykatën, por e izolon Kosovën.

Shteti nuk hyn në aventura. Ai ulet në tryezë me argumente juridike, me qëndrim të unifikuar institucional dhe me emisarë që dinë të lobojnë në çdo kryeqytet evropian.

Raportet me BE-në, zhberja e Gjykatës Specialedhe kredibiliteti Kosovës, janë çeshtje jetike për shtetin tonë. Është koha të ndalen improvizimet dhe të fillojë diplomacia e vërtetë.

The post Miti i 80 votave: Pse nuk mund ta zhbëjmë kështu Gjykatën Speciale? appeared first on Veriu.info.

Presidentja e Kosovës, Justina Shiroka Pula, ka vlerësuar rëndësinë e lirisë, dinjitetit dhe të drejtës së popujve për të vendosur për të ardhmen e tyre, gjatë një pritjeje të organizuar nga Ambasada e Hungarisë në Kosovë, me rastin e 70-vjetorit të Revolucionit Hungarez të vitit 1956.

Në fjalën e saj, Shiroka Pula ka theksuar se historia e Kosovës dëshmon përpjekjet e vazhdueshme për liri dhe pavarësi.

“Populli i Republikës së Kosovës, e kupton mirë se çfarë rëndësie ka liria për një komb. Historia jonë, duke nisur që nga qëndresa e Gjergj Kastriotit Skënderbeut deri te lufta e Ushtrisë Çlirimtare të Kosovës dhe shpallja e pavarësisë, dëshmon për përpjekjen e vazhdueshme të shqiptarëve për liri, dinjitet dhe të drejtën për të vendosur për të ardhmen e tyre”, u shpreh presidentja.

Ajo ka vënë në pah edhe lidhjet historike ndërmjet shqiptarëve dhe hungarezëve, duke përmendur marrëdhëniet e Gjergj Kastriotit Skënderbeut me Janosh Huniadin dhe Matias Korvinin.

Shiroka Pula ka theksuar se marrëdhëniet ndërmjet Kosovës dhe Hungarisë janë zhvilluar përmes bashkëpunimit diplomatik, në fushën e sigurisë, arsimit dhe ekonomisë.

“Hungaria e njohu pavarësinë e Republikës së Kosovës në mars të vitit 2008 dhe aktualisht kontribuon me mbi 400 trupa në misionin e KFOR-it, i cili ka rol të rëndësishëm në ruajtjen e një mjedisi të sigurt dhe stabilitetit në Kosovë”, ka thënë ajo.

Presidentja ka theksuar se miqësia ndërmjet dy vendeve mund të forcohet më tej përmes dialogut dhe bashkëpunimit konkret.

“Si Kosova, ashtu edhe Hungaria kanë interes që Evropa të jetë një hapësirë paqeje, sigurie, demokracie dhe mundësish për të gjithë qytetarët”, ka deklaruar Shiroka Pula.

Në fund, ajo ka shprehur respekt për historinë dhe qëndresën e popullit hungarez, duke theksuar rëndësinë e vazhdimit të miqësisë ndërmjet dy vendeve në të ardhmen.

Presidentja e Kosovës, Justina Shiroka Pula, ka diskutuar për zhvillimet aktuale në vend dhe rajon me profesorin amerikan Edward Joseph, të cilin e ka pritur në takim.

Sipas njoftimit të Presidencës, Joseph e ka uruar Shiroka Pulën për marrjen e detyrës së presidentes, duke i dëshiruar sukses gjatë mandatit.

Në takim, presidentja ka shprehur mirënjohjen për urimet dhe ka theksuar rëndësinë e bashkëpunimit dhe dialogut me partnerët ndërkombëtarë për çështjet me interes të përbashkët.

Edward Joseph është ligjërues dhe bashkëpunëtor i lartë në Institutin e Politikës së Jashtme të Universitetit Johns Hopkins, në Shkollën e Studimeve të Avancuara Ndërkombëtare (SAIS).

Pritjes po i vjen fundi, ndërsa emocionet për sezonin e pestë të “Big Brother VIP Kosova” po shtohen gjithnjë e më shumë. Edicioni i ri i këtij spektakli ka ngjallur një kuriozitet të madh në mesin e publikut, i cili mezi pret të zbulojë se çfarë surprizash do të sjellë. Përgatitjet për nisjen e tij […]

The post Pritja për Big Brother VIP Kosova 5, emocionet arrijnë kulmin appeared first on InfoKosova.

Deputetët e Partisë Demokratike të Kosovës (PDK) kanë lëshuar seancën plenare të Kuvendit të Kosovës, e cila është duke u mbajtur.

Ata nuk kanë dhënë ndonjë sqarim lidhur me arsyet e largimit nga salla.

Në momentin kur deputetët e PDK-së lëshuan seancën, Kuvendi ishte duke shqyrtuar pikën e rendit të ditës për përzgjedhjen e dy anëtarëve joekzekutivë të Bordit të Bankës Qendrore të Republikës së Kosovës.

Kryetarja e Kuvendit të Kosovës, Albulena Haxhiu, ka nënshkruar Ligjin për ndryshimin e Ligjit për Dhomat e Specializuara dhe Zyrën e Prokurorit të Specializuar dhe ia ka përcjellë atë presidentes, Justina Shiroka Pula, për dekretim.

Këtë e ka konfirmuar këshilltari i saj, Glauk Tahiri.

“Ligji është miratuar në seancën plenare të Kuvendit më 6 tetor 2026 dhe i është përcjellë Presidentes në mbështetje të nenit 80, paragrafi 2, të Kushtetutës së Republikës së Kosovës”, thuhet në përgjigje.

Sipas Kushtetutës, tani Presidentja ka në dispozicion 8 ditë afat për ta dekretuar atë para se i njëjti të hyjë në fuqi.

Eurodeputeti kroat, Davor Ivo Stier, tha se asgjë nuk e ndryshon faktin se Kosova bashkë me Kroacinë e Bosnje Hercegovinën ishin viktimat e agresionit të regjimit të ish-presidentit të Serbisë, Sllobodan Millosheviq.

Këtë deklaratë ai e bëri kur u pyet për procesin gjyqësor të ish-krerëve të UÇK’së në Hagë në një intervistë në Euronews Albania.

“Nuk do ta ndryshojë atë që është një fakt historik që nuk duhet të dobësohet nga asnjë politikë dhe kjo është se si Kroacia, Kosova, Bosnje e Hercegovina dhe paska edhe Sllovenia të një agresioni që u nis nga Serbia dhe presidenti i saj. Ky është një fakt që nuk duhet anashkaluar”.

Eurodeputeti tha se kur dëgjon autoritetet serbe të flasin, “ata duket se kujtojnë vetëm ndërhyrjen e NATO’s dhe bombardimet, por sillen sikur përpara bombardimeve nuk ndodhi asgjë”.

“Pati një arsye pse NATO ndërhyri, përse këto bombardime u kryen, për të ndalë spastrimin etnik në Kosovë që ishte edhe lufta e fundit e nisur nga Millosheviq. Këto janë fakte historike që nuk duhet neglizhuar”.

Kuvendi i Kosovës ka përzgjedhur dy anëtarët joekzekutivë të Bordit të Bankës Qendrore të Republikës së Kosovës (BQK), pas votimit të fshehtë të zhvilluar në seancën plenare.

Sipas raportit të Komisionit që zgjodhi Kuvendi, në procesin e votimit morën pjesë 67 deputetë, ndërsa dy fletëvotime u shpallën të pavlefshme.

Nga kandidatët e propozuar, Nora Latifi-Jashari mori 71 vota, ndërsa Bashkim Nurboja 56 vota, duke siguruar përzgjedhjen si anëtarë joekzekutivë të Bordit të BQK-së.

Ndërkaq, Xhemajl Gashi mori 4 vota, ndërsa Burim Latifi 8 vota.

Raporti u paraqit nga kryesuesi i komisionit, Filiz Mustafa.

Qeveria e Kosovës, në mbledhjen e mbajtur dje ka marrë vendim që të themelohet grupi punues për hartimin dhe harmonizimin e strategjisë shtetërore lidhur me procedurat e Apelit para Dhomave të Specializuara në Hagë, si edhe për bashkërendimin e veprimeve institucionale dhe diplomatike për dokumentimin, mbrojtjen dhe afirmimin e së vërtetës historike të luftës çlirimtare të Kosovës.

Në vendimin e qeverisë, thuhet se, grupi punues ka për obligim shqyrtimin e çështjeve me rëndësi strategjike dhe përgatitjen e propozimeve dhe rekomandimeve në zbatim të mandatit nga pika 1. e këtij vendimi, në përputhje me Kushtetutën, legjislacionin në fuqi dhe standardet ndërkombëtare të zbatueshme.

Tutje, shtohet edhe se, në ushtrimin e mandatit të tij, grupi punues merr parasysh deklaratën e Kuvendit të Republikës së Kosovës, të datës 28 shtator 2026, me synim bashkërendimin e qëndrimeve dhe veprimeve institucionale, në përputhje me kompetencat kushtetuese dhe ligjore të institucioneve përkatëse.

Tutje, shtohet edhe se, ky grup përbëhet nga Glauk Konjufca, zëvendëskryeministër i parë dhe ministër i Punëve të Jashtme, kryesues; Një përfaqësues nga zyra e kryeministrit, anëtar; Një përfaqësues nga Ministria e Drejtësisë, anëtar; Një përfaqësues nga Ministria për Punë, Familje dhe Vlera të Luftës Çlirimtare, anëtar; Një përfaqësues nga zyra e presidentes së Republikës së Kosovës, anëtar; Një përfaqësues nga kryesia e Kuvendit të Republikës së Kosovës, anëtar; Një përfaqësues nga grupi parlamentar i Lëvizjes Vetëvendosje, anëtar; Një përfaqësues nga grupi parlamentar i Partisë Demokratike të Kosovës, anëtar; Një përfaqësues nga grupi parlamentar i Lidhjes Demokratike të Kosovës, anëtar; Një përfaqësues nga grupi parlamentar i Aleancës, anëtar; Një përfaqësues nga grupet parlamentare të komuniteteve joshumicë, anëtar.