Alarmi i medias gjermane: Vuçiç ka kërcënuar se do të sulmojë Kosovën

Media gjermane, ‘DerWesten‘ ka shkruar për mundësinë e një lufte në Ballkan, duke theksuar në titullin e një artikulli se “Putin po vë bast” për këtë.

Sipas ekspertëve në Fondacionin për Mbrojtjen e Demokracive, presidenti rus po vë bast për një luftë të re në Europë në mënyrë që ta dobësojë mbështetjen perëndimore në luftën në Ukrainë dhe Serbia mund të jetë nxitëse për këtë, shkruhet në artikull.

Dy ekspertë amerikanë nga “Fondacioni për Mbrojtjen e Demokracive” paralajmërojnë për një luftë të re që mund të luajë në duart e Putin.

Sipas vlerësimeve të tyre në ‘Wall Street Journal’, Ballkani mund ta ndihmojë atë.

Media gjermane shkruan se një konflikt i ri do t’i jepte Kremlinit mundësinë për të fituar ndikim lokal dhe për të larguar vëmendjen nga Ukraina përmes trafikut të armëve dhe ndërmjetësimit.

“Ballkani Perëndimor është më i përshtatshmi për këtë. Lufta në Jugosllavi në vitet 1990 shkaktoi tensione masive, sidomos nga Serbia, e cila dëshiron ta zgjerojë ndikimin e saj në vendet fqinje. Së fundmi presidenti serb Aleksandër Vuçiç ka kërcënuar hapur se do ta sulmojë Kosovën. Përveç kësaj, ai vazhdimisht refuzon ta nënshkruajë Marrëveshjen e Brukselit për “veprim dypalësh” ndërmjet Serbisë dhe Kosovës, e cila aktualisht ndërmjetësohet nga BE-ja dhe synon të sigurojë marrëdhënie paqësore. Shtetet e Bashkuara presin gjithashtu një rrezik më të lartë të dhunës në rajon, paralajmërojnë ekspertët. Kjo do të kishte avantazhe të mëdha për Putinin. Prandaj, Rusia nuk ka nevojë të dërgojë ushtri në rajon. Thjesht duhet të mbështetet te Serbia për ta nxitur dhunën dhe destabilitetin”, shkruhet në artikull.

Lajmet Alarmi i medias gjermane: Vuçiç ka kërcënuar se do të sulmojë Kosovën >> Rahoveci INFO.

Ballina
RadioDrini
Video
Këmbimi
Moti
error: Ku po shkon !!

Adblock Detected

<script async src="https://pagead2.googlesyndication.com/pagead/js/adsbygoogle.js?client=ca-pub-4893917327478903" crossorigin="anonymous"></script>