Aksident i rëndë në rrugën Ferizaj – Gjilan, vdes një grua

Një grua, në cilësinë e pasagjeres, ka humbur jetën në një aksident trafiku mes kamionit dhe veturës në rrugën Ferizaj – Gjilan, konkretisht në Sojevë.

Kanun Veseli, zëdhënës në policinë rajonale të Ferizajt, tha se lëndime trupore ka pësuar edhe shoferi i veturës i cili është dërguar në Emergjencën e Ferizajt.

“Me datën 26.06.2024 rreth orës 17:00 kemi pranuar një informatë se në rrugën magjistrale Ferizaj-Gjilan, saktësisht në fshatin Sojevë të Ferizajt ka ndodhur një aksident komunikacioni, ku janë përfshirë një kamion transportues dhe një veturë me targa vendore. Për pasoj e këtij aksidenti një person e gjinisë femër e moshës madhore,  e cila ishte pasagjere në veturë ka humbur jetën,  vdekja e saj është konfirmuar nga mjekët kujdestarë në vendin e ngjarjes”, tha Veseli.

“Ndërsa lëndime trupore ka pësuar shoferi i veturës, i cili për ndihmë mjekësore është dërguar në Qendrën Emergjente në Ferizaj”, tha Veseli.

“Ekipe të policisë, emergjencave dhe zjarrfikësve kanë dalë menjëherë në vendin e ngjarjes. Hetuesit policorë të aksidenteve janë duke e ekzaminuar vendin e ngjarjes. Për të gjitha veprimet policore është njoftuar prokurori i shtetit”, tha ai.

Lajmet Aksident i rëndë në rrugën Ferizaj – Gjilan, vdes një grua >> Rahoveci INFO.