Aksident i rëndë në Fier, një i vdekur dhe një i lënduar
Një aksident tragjik ka ndodhur mëngjesin e sotëm në bypass-in e Fierit, ku një automjet tip BMW ka dalë nga rruga.
Si pasojë e këtij aksidenti, një person ka humbur jetën, ndërsa një tjetër është plagosur rëndë.
I plagosuri është transportuar me urgjencë drejt Spitalit të Traumës në Tiranë për ndihmë mjekësore Ndërkohë, trupi i viktimës që dyshohet të ketë qenë pasagjer në automjet u gjet disa metra larg automjetit.
Policia ndodhet në vendngjarje dhe po punon për zbardhjen e shkaqeve të aksidentit. Dyshohet se shpejtësia e lartë mund të ketë qenë një ndër faktorët që shkaktuan këtë aksident.
