http://tvklan.al/wp-content/uploads/2015/10/Franca.jpg - Franca

Irlanda e Veriut, Portugalia, Islanda, Anglia dhe Austria e kanë siguruar, një vend në fazën finale duke iu bashkuar Francës që është vendi pritës. Mbrëmjen e së enjtes u luajtën takimet e një pjesë të grupeve kualifikuese të Europianit.

Por si është situata deri tani, ku janë ende 17 vende për t’u plotësuar nga faza e grupeve dhe ajo play off.

Në Grupin A është një betejë mes Islandës dhe Çekisë, që janë pranë fazës finale.

Turqisë do t’i duhet një mrekulli për t’u kualifikuar direkt.

Në Grupin B, Wellsi është fare pranë dhe në rast kualifikimi do të ishte një debutim për këtë ekip. Belgjika ka më tepër shanse kur kanë mbetur edhe 2 takime.

Në Grupin C, Spanja është në krye dhe është një hap larg kualifikimit. Do ta arrijë atë bashkë me Sllovakinë nëse fitojnë ndeshjet e radhës, Spanja me Ukrainën dhe Sllovakia me Luksemburgun.

Në Grupin D, është një betejë e fortë mes Gjermanisë, Polonisë dhe Irlandës.

Në Grupin F, Hungaria duhet të fitojë me Greqinë që të renditet e dyta duke shpresuar që Rumania që ka siguruar play off, të mos fitojë me Ishujt Faroe.

Në Grupin E, çdo gjë është e hapur. Pas kualifikimit të Anglisë, Zvicra në vendin e dytë, Slovenia si e treta në grup, por edhe Estonia dhe Lituania që janë pranë me pikë kanë ende mundësi kualifikimi.

Në Grupin G, Austria është e kualifikuar dhe për vendin tjetër që do të shkojë direkt në Francë janë në lojë ende Rusia, Suedia dhe Mali i Zi.

Në Grupin H, Italisë i duhet vetëm 1 pikë në ndeshjen e radhës. Në këtë grup ka një duel të fortë është mes Norvegjisë dhe Koracisë, të cilat kanë 2 pikë diferencë mes tyre kur kanë mbetur edhe 2 ndeshje.

Tv Klan